Periodontzia edo hortzoien gaixotasunak

Paziente gehienek ez dituzte gaixotasun horiek ezagutzen hortz-klinikan diagnostikatzen zaizkien arte.

Pertsonek gaixotasun horiek paira ditzakete inolako minik jasan gabe, beraz, oso garrantzitsua da aldizkako azterketa odontologikoa (urtean behin, gutxienez), gaixotasunok antzeman ahal izateko.

Gaixotasun horiek periodontoari (hortzaren inguruko eremua) eragiten diote eta hortzari eusten dion hezurraren euskarria hondatzen dute, eta horrek hortzak galtzea ekar dezake.

Gure klinikan, hasieran gingibitis moduan agertu eta ondoren periodontitis (gaixotasun periodontala) bilakatzen diren gaixotasun periodontal guztiak tratatzen ditugu.

• Gingibitisa: hortzoiaren hantura da, baina hortza inguratzen duen hezurrari eragin gabe. Sintoma hauek ditu: hortzoi gorritua, edematosoa, eta odola erraz jariatzea. Trata daiteke odontologoak aho-garbiketa eginda eta pazienteak higiene arduratsuari eutsita, kolutorioa eta pasta bereziak konbinatuz.   

Gizakiak izan dezakeen gaixotasunik ohikoenetakoa da, eta oso arrunta da adin guztietan.

• Periodontitisa: piorrea izenez ere ezaguna, hortzari eusten dion hezurra suntsitzen du eta, tratatu ezean, hortzak gal daitezke. Hauek dira sintomak: hortzoiaren hantura, hortzoiaren eta hortzaren arteko hutsuneak, zorne-zorroak hortzoian, hotzarekiko sentikortasuna eta hortzen mugimendua.